BooDy's HomePage

شفتوا العنوان؟ حاجه من بتاعة الأهرام و الأخبار، العناوين اللي ملهاش أي لازمه بس شكلها وراها كلام كبير أوي.

لسبب ما لا يعلمه إلا الله بقى النقاب دلوقتي "قضية" مهمة و كل الناس بتتكلم فيها، أفتح القناه الفضائيه ألاقي محمود سعد بيتكلم عن النقاب، أقلب على دريم ألاقي منى الشاذلي بتتكلم عن النقاب. و اكتر من جهة بدأت تمنع ارتداء النقاب فيها، المعاهد الأزهريه، المدن الجامعيه، و من فتره كانت وزارة الصحه منعته للممرضات، إلخ، إلخ، إلخ...

صحيت النهارده على الخبر ده عند حسام الحملاوي. بسبب حلقة برنامج الحقيقه الاسبوع اللي فات عن البهائيه و اللي كان فيها خطاب تحريضي قذر من جمال عبدالرحيم ضد البهائيين تعرض بهائيين من مدينة سهاج لأعمال عنف وصلت لحرق بيوتهم.

مش جديد على جمال عبدالرحيم انه يقدم صوره لأقذر ما يمكن الوصول له من التمييز و اضطهاد الآخر و الكذب و التلفيق و استغلال جهل الناس علشان كده انا مش هقول حاجه ارد بيها عليه لإن فعلا مجادلة الكذابين مضيعه للوقت. لكن خلينا نتكلم عن رد الفعل الإسلامي القويم اللي حصل.

"إن الله يأمر بالعدل و الإحسان و إيتاء ذي القربى و ينهى عن الفحشاء و المنكر و البغي"

كل واحد عنده مجموعة معتقدات متصور انها هي الصح و اللي حواليه كلهم غلط، طول عمري عندي مشكله اني اصنف نفسي لأني عمري ما عرفت انا زي مين بالظبط، دايما كنت بعرف نفسي على إني مسلم و هويتي الإسلاميه هي حجر الأساس لشخصيتي و لحياتي عموما. "كنت ملحدا على سنة الله و رسوله" استاذنا الله يرحمه عبدالوهاب المسيري قال الكلمه دي، ساعات كتير كنت بحس انها بتوصفني. مريت بفتره كنت فيها ملحد، و مريت بفتره كنت فيها سلفي بن لادني حلم حياتي اني افرقع برجين لأمريكا، لكن معظم باقي الوقت كنت ثابت في نفس المكان، معدوم الهويه.

و الله أعلم ده الاسم اللي بعض الإخوه البضاينه نفسهم يطلقوه على ويكيبيديا العربيه حيث ان ويكيبيديا العربيه لابد أن تكون اسلاميه خاشعه لذكر الله و في نفس الوقت تحتوي على مخزون كافي من البيضان.

بصفتي طبعا شيخ طريقة أبو طرف و رئيس جمعية اليهوديه هي الحل آية الله أبو بودي الزقازيقي لازم كل كام يوم اخبط في نقاش مع حد من اخواننا أصحاب الفكر الإسلامي "القويم" و اتخبط لي فتوى تنزل على دماغي زي ما بيقولوا كإني أخدت تسعين قلم على غفله.

ملحوظه: التدوينه فيها ألفاظ قذره لو مشاعرك رهيفه امشي من وشي الساعه دي

لما يجي لك حيوان شبه الانسان و يتكلم عن المرأه الجانيه اللي ملبستش حجاب و كانت السبب في حوادث التحرش الجماعيه يبقى ده أكيد خنزير

لما ييجي واحد دقنه نازله لغاية بضانه يقلب المجني عليه لجاني علشان عقليته الذكورية القذره اللي الدين بريئ منها و يتكلم باسم الدين يبقى ده اكيد خنزير