My TwitterPlaces I visit dailyMisc.
|
بمناسبة الانقلاب العسكريSubmitted by BooDy on Wed, 2008-07-23 20:48.
راكب تاكسي النهارده و رايح أقابل واحد صاحبي و شايل في ايدي شوية حاجات من ضمنها رواية ثورة 2053. سواق التاكسي تقريبا لمح كلمة ثوره و رقم خمسه بس من على غلاف الروايه. فضل سواق التاكسي الغلبان اللي سايق تاكسي مهكع ماشي بالعافيه و شكله في الخمسينات من عمره تقريبا باصص في الطريق و ساكت مبيتكلمش لغاية قبل ما انزل بشويه دار الحوار ده السواق: معلش يا ابني ممكن اسالك سؤال؟ فضل السواق يكرر الكلمتين دول لغاية ما نزلت و انا نازل طبطب علي و هو لسه بيقول "المهم تكونوا عارفين يا ابني". معلش انا ساذج شويه و بفرح لما حد معرفوش بيدعي لي منغير سبب. دي الحاجه الوحيده الكويسه في ذكرى الانقلاب و ان الشوارع كانت فاضيه النهارده. كل انقلاب عسكري و انتوا طيبين. ملحوظه: في تعريف قصير حلو عند مواطن مصري واخد على قفاه لواحد من الشرفاء القليلين اللي قاموا بالانقلاب اللواء محمد نجيب عقبال ما الثوره الحقيقيه تقوم و تتحرر مصر. |
 |
Some rights reserved
![[FSF Associate Member]](http://slashproc.net/uploader/fsfbutton.png){kind=small}
بص مع كرهي
بص مع كرهي العميق لكل ابن وسخه قومجي والفكر الفومجي بشكل عام,بس منقدرش نسخط حركة الجيش في يوليو لمجرد كلمة زي ثورة حراميه.
من الحاجات اللي انا عارفها وفاهمها كويس ان لولا يوليو مكنش ابويا اتعلم ومكنتش انا اتعلمت,واعتقد انك كمان مكنتش اتعلم.
يوليو علمت اولاد الرعاع ,اللي انا ع الاقل منهم.
يوليو كان فيها يوسف صديق ومحي الدين ونجيب وغيرهم من الناس اللي كانت مصدقه نفسها.
طبعا كان فيهاشرموط زي ناصر وعامر,بس يا اخي حقيقي مبعرفش اكرهه,عندي عقده طول الوقت اني مبعرفش اكرهه زي كرهي للسادات او موبارك كدا.
اكيد في نظرية طول الوقت بتقول ان المجتمع المصري كان فيه حراك كافي لعمل ثورة شعبيه حقيقية,بس من غير فرضيات مبنيه على ماذا لو.
حركة الجيش عملت تغيير للاحسن والاوحش,تعليم اصلاح زراعي الخ,منقدرش ننكره ونحطه في بين قوسين ثورة حراميه.
مهو الشرفاء
مهو الشرفاء اللي زي يوسف صديق و نجيب دمرهم الكلاب اللي زي ناصر و عامر و باقي الحراميه ولاد الوسخه.
الأهداف و الشعارات اللي الثوره جت بيها محدش معترض عليها لكن محدش برضو يقدر ينكر ان بعد ما الشرفاء قاموا بالثوره الكلاب هما اللي مسكوا مصر و وصلوها ولو حتى بصوره غير مباشره للسادات و أخيرا للعرص الكبير دلوقتي.
زي ما ابوي و ابوك اتعلموا ببلاش على حس الثوره انا لي قرايب اتعذبوا و اتسجنوا باسم الثوره. انهيار الحياه النيابيه و غياب الديموقراطيه و انعدام تداول السلطه برضو ممكن نلومهم على الثوره حتى لو افترضنا ان الكلام ده مكانش موجود قبل الثوره فالثوره منعت تحقيقه. ده غير البلاوي التانيه اللي ارتكبوها الكلاب من اماكنهم اللي وصلوا لها بالثوره.
فعلا اننا نختصر ده كله بكلمة ثورة الحراميه غلط لكن محسوبك بيتكلم بالبلدي، انت عارفني جاهل :)
صباحك فل يا شهيد
بص يارفيق :P انا
بص يارفيق :P
انا بعترض بس ان كان في ناس نضيفه فيهم زي صديق ومحي ونجيب وغيرهم,فمينفعش نقول على حركتهم ثورة حراميه.
انا بس بعترض على الجمع,عامر وناصر وكل الشراميط اللي شبهم معنديش مشكله تطرر عليهم.
دا اولا
ثانيا مانا ياعم ليا ناس اعتقلت واتنفت الخ الخ ,بس برضه بقول ان في تغيير كويس اتعمل بسبب حركة الجيش,التغيير دا لا يغفر بأي شكل من الاشكال العيوب,ولا يخلينا نقول دي ثوره مباركه,ولا اي خرا من اللي بيتقال دا ,بس يخلينا نقول ان في حاجات بسبب الثوره الناس اللي شبههنا من اولاد الرعاع قدروا يبقوا موجودين.
رفيق مين يا جدع
رفيق مين يا جدع انت، وطي صوتك لا الفقي يسمعك :D
عموما يا رفيق انا مقدرش اعترض على الكلام ده. سيبك انت، ملعون ابو جمال على السادات على حسنى في يوم واحد. مش هننزل نضرب 50 حجر معسل قريب ولا حاجه؟
أنا معاك إن
أنا معاك إن الدنيا حالها دلوقتى ما يسر حد.. وكله بسبب المصريين
بس مافتكرشى نقدر نقول الثورة هى السبب..
ممكن إللى مسكوا الثورة بعدين.. الفكر المهيمن إن العسكريين هم أفضل خلق الله.. لكن الثورة كانت حتمية. زى الثورة القادمة..
الفكرة بعد كدة إدارتها إزاى
فيوم ما تلوم.. لوم المصريين.. عشان هم اصلا لو فاهمين صح كانوا ربوا ولادهم صح... ربوهم على إنهم يكونوا قد تحمل المسؤولية... يربوهم على إنهم قادة المستقبل.. تثقفهم.. تعليمهم.. تربيتهم أصلا
كلامى ملخبط.. بس فى الآخر بقول لك.. العيب ع المصريين مش الثورة
لا معلش. الشعب
لا معلش. الشعب المصري زي ما قال مالك فيه دايما حراك و عمر ما حد ممكن بمنتهى البساطه يقول ان "المصريين" هما السبب. زي ما في حراميه سرقوا الثوره من الشرفاء اللي قاموا بيها زي ما في ناس حاولت و بتحاول و هتفضل تحاول لغاية ما الثورة الشعبيه الحقيقيه تقوم.
الكلام اللي من نوع المصريين هما السبب و الشموليه عموما مع احترامي الشديد ليكي و لرأيك مش حقيقي و لا يمكن يكون مظبوط
Post new comment