BooDy's HomePage

Warning: if you're actually crazy enough to follow and like my blog (ha!) then this post is probably not your cup of tea, I've had this thought on my mind for some time and I just wanted to rant about it here.

Okay, so apparently nowadays it's cool to be a "geek". Maybe people are realizing that geeks actually make more money on the long run, it's easier for them to find jobs, they're more educated than most people whether they went to a good college or not. It's how geeks have been since the beginning of time (except of course for those poor scientists some hundred years ago who dared to challenge religion, tough luck dude). I don't really have a solid conclusion to why did this realization happen in the past few years, personally I blame "the big bang theory" (a great TV show by the way).

فوطة صفرا، خرقة، هرمة، أو شرموطة. كلها مرادفات تستخدم حسب الموقف و الطبقة الاجتماعية للقائل لوصف قطعة من القماش تستخدم لمسح أي قذارة تلاقيها قدامك. غالبا بتستخدم الفوطة الصفرا و ترميها على جنب لغاية ما تتبهدل تماما فلو كنت غلبان على قد حالك هتغسلها و تعيد استخدامها أما لو كنت مقتدر و معندكش أي اهتمام ولو شكلي بتوفير المصادر الطبيعية هتبص للفوطة بقرف بعد ما تتوسخ و تمسكها بطراطيف صوابعك أو باستخدام منديل كلينكس من ابو ريحة و ترميها بره عربيتك و عند أول إشارة هتنده للشاطرة (ايه شاطرة دي؟؟؟ قالشه فشخ و هربانة من الاربعينات طحن و عليها تراب) اللي واقفة عندها و تشتري منها فوطة جديدة.

إنها من أهم نواميس الكون، العرص ينتصر دائما. بدأت من قابيل و هابيل (ده إذا كنت مؤمن بحقيقة قصتهم يا عزيزي، يمكن تكون كافر من بتوع التطور و مش مصدق انهم كانوا موجودين. أعذرني فأنا دائما و أبدا بحاول احترم كل العقائد حتى العقائد الزباله لا يمنع انها زبالة ان الواحد يحترمها برضو). استمرارا على مر التاريخ انتصر العرص في كل فرصة أتيحت له، ممكن تقولي بس يا استاذ ساعات الخير بينتصر على التعريص، أقول لك قدامك رد من اتنين و اختار لك واحد فيهم و متقرفنيش بالجمل الاعتراضية كتير يا روح امك انا مش فايق لك، إما أنهم الاستثناء الذي يثبت القاعدة أو الرد الأكثر منطقية ألا و هو إننا كلنا يا عزيزي معرصين بطريقة أو بأخرى.

ساعات قبل ما انام بيدخل دماغي كلمتين مبعرفش انام غير لما اكتبهم او اقولهم لحد. الساعه دلوقتي اتنين بالليل فصعب الاقي حد اكلمه، بعد ما دخلت السرير و قفلت النور لقيت نفسي فطسان على روحي من الضحك علشان افتكرت الحاجات اللي كنت عاوز اعملها قبل ما امشي من اوبن كرافت بس ملحقتش.

أوبن كرافت، غريبه اني اقول على الشغل انه بيتي التاني، مش كده؟ بس هو الحقيقه اوبن كرافت لفتره مش قصيره كانت بيتي الأولاني. كنت بقضي فيها وقت اكتر من الوقت اللي بقضيه في البيت و مكنتش بشتكي بالعكس، كل دقيقه كانت حلوه. حتى و انا بسب و العن في الشغل كان الوقت حلو.

المناضلين البضان، طز فيكم و في تنظيركم البضان، أنا آسف ان الشعب بينبسط بالكوره، و آسف اني بحب الكوره و مبسوط ان فرقتي بتكسب، و آسف ان البشر اللي نزلوا يهيصوا في التحرير لما كسبنا مبينزلوش المظاهرات، حقيقي آسف. يلعن دين أم الكوره اللي مزعلاكم يا اخواننا، انشالله ما عننا اتفرجنا و انشالله ما عننا انبسطنا، المهم هو نضال حضراتكم، بس على الله اشوف واحد فيكم بيتبسط ولا بيفرح بأي حاجه لغاية ما الثورة تيجي يا اخوي انت و هو. ماهو مش حرام علي و حلال عليكم.

كل الكلمات عبث، حماقات مكرره بلا معنى سوى لكتابها، حزن، ابتهال للآلهة، تأمل، شعر، حب في الحياة و الموت، تراتيل حمقاء يتلوها مجموعة من الحمقى، يدورون في حلقات مفرغه و تدور حولهم عبثيات الحياة. كلنا مجموعة من الحمقى يجمعنا الأمل فإذا فقدناه فقدنا معه الحماقة و ربما الحياة.

شفتوا العنوان؟ حاجه من بتاعة الأهرام و الأخبار، العناوين اللي ملهاش أي لازمه بس شكلها وراها كلام كبير أوي.

لسبب ما لا يعلمه إلا الله بقى النقاب دلوقتي "قضية" مهمة و كل الناس بتتكلم فيها، أفتح القناه الفضائيه ألاقي محمود سعد بيتكلم عن النقاب، أقلب على دريم ألاقي منى الشاذلي بتتكلم عن النقاب. و اكتر من جهة بدأت تمنع ارتداء النقاب فيها، المعاهد الأزهريه، المدن الجامعيه، و من فتره كانت وزارة الصحه منعته للممرضات، إلخ، إلخ، إلخ...

بعد حوالي أسبوع من الصمم الجزئي في سؤال بيطرح نفسه، هو انا ليه اتعالجت؟

مسمعتش صوت عياط الأطفال و انا راجع في رحله 6 ساعات في الأوتوبيس.
مخدتش بالي ان الركاب بيتخانقوا مع سواق الميكروباص على الأجره غير بعد ما الخناقه خلصت.
في نفس الميكروباص مسمعتش صوت القرآن العالي اللي السواق مشغله طول السكه (مع إنه حرامي و خد أجره زياده).
سواقين التكاسي رحموني من مغامراتهم و انتصاراتهم الوهميه على ظباط المرور بمجرد إشاره لما بيبدأ القصه اني مبسمعش.
كنت سامعه شويه بس ضميري كان مستريح مش عارف ليه و انا متجاهل جرس التليفون و جرس الباب.
صحيح مسمعتش أكتر صوت بحبه لكن اترحمت من إني في نفس المكان اسمع أكتر صوت بكرهه و مستني اللحظه اللي يختفي فيها من حياتي.

يوم حرية البرمجيات

هو يوم بيتم كل سنه لتعريف الناس على البرمجيات الحره و فايدة استخدامها بدل من البرمجيات الاحتكاريه. اليوم بتقوم بيه مجموعات متطوعين في أماكن مختلفه من العالم و السنه دي في مجموعة من المتطوعين في جامعة اسكندريه قرروا ينظموا اليوم هنا في مصر في جامعة اسكندريه بس الجديد انهم مش بس هينظموا يوم واحد لكن المفروض انهم بينظموا لأسبوعين ابتداءا من أول سبتمبر

لو عندك مشاكل مع الكمبيوتر بتاعك، مهتم تعرف يعني إيه حرية برمجيات و يعني إيه حرية علم و معرفه ياريت تحضر اليوم ده في جامعة اسكندريه

صفحة الحدث على فيس بوك